Cafe&Meal MUJI

營業中

休息中

聖誕前夕，咁去咗九龍塘又一城感受下聖誕氣氛，同埋買下禮物睇下嘢。行路係需要力氣嘅，我就去左muji cafe食個三餸飯補補個energy. 我叫左，3品料理(2凍1熱〉（$98），有味噌烤比目魚柳/牛油果薏米蝦肉沙律/明太子醬汁雜菌厚燒玉子，配上一碗十六穀米，仲有碗麵豉餐湯。嘢飲我就加錢試下呢杯檸檬甘酒熱飲（加配$18）。比目魚柳幾香，塊皮幾脆口，唔腥無雪藏味。沙律水準唔錯，蝦都大粒。厚燒玉子都食落都滑同鬆軟。不過就係份量太細啦，基本一啖一味餸。唔洗10分鐘就食完哂。個檸檬甘酒熱飲，其實就無酒味，飲落都幾酸，當補下啲維他命C啦。