來多碗車仔麵 (路德圍) (已結業)

路德圍有好多嘢食，尤其係車仔麵。呢度真係乜都有得食，要突圍而出唔係容易。呢間車仔麵算係咁多間裡面其中一間有質素的。同其他餐廳唔同，呢間一入到去係先點餐，然後先坐低。店員都算係有耐性，因為我第一次來咩都唔識，佢都幾詳細講解有咩最好食，有咩要食等等。不過我最後都係依照個人喜好叫咗個金錢肚午餐肉公仔麵，加多樽凍豆漿。我要承認，個麵係真係份量細咗啲。。但係午餐肉算係唔係幾薄，金錢肚亦都入味同夠林。個招牌辣醬就幾好味，幾醒胃。下次經過會再幫襯