黃珍珍泰國菜館 (已結業)

一行五人臨時改來呢度食﹐所以冇print定d coupon。本人覺得佢地既水準依然好好﹐但係就覺得每樣菜既size就細左同份量少左。叫左-炸蝦餅﹐炒通菜﹐半打雞﹐半打豬串燒﹐椰青青咖喱雞﹐辣椒膏炒海鮮-﹐菠蘿海鮮炒飯﹐泰式炒粉& 芒果糯米飯。比較出式既有辣椒膏炒海鮮﹐椰青青咖喱雞同菠蘿海鮮炒飯。辣椒膏炒海鮮依然野味﹐加埋d薄荷葉﹐檸檬葉﹐香矛同好多唔知係乜既香料一齊炒﹐好好味。椰青青咖喱雞唔係太辣﹐加埋d一粒粒細細粒綠色既香料同椰汁好好味﹐送飯一流﹐仲可以”kwark”埋d椰肉來食。菠蘿海鮮炒飯加埋d肉鬆﹐提子乾亦好好味。最尾仲可以批埋係底果d菠蘿肉來送炒飯﹐越食越開胃。但係呢三樣野既份量就冇半年前來食咁多lu. 炒海鮮少左海鮮。咖喱雞少左雞件﹐舊時差唔多成個椰子裡面都係雞件來gar ma。菠蘿海鮮炒飯舊時既份量係d飯高過個菠蘿同埋個面係多到要塔成半圓形。經濟好左﹐加人工既肯洗錢﹐幾貴幾差都有人食﹐食市唔憂做。當然份量﹐質素調低﹐價錢調高來盡量享受所為經濟增長既好處。苦就苦在我地呢d人工唔係高﹐冇人工加﹐又冇雙量﹐又冇花紅﹐又冇乜福利既打工仔。