影片
更多
2016-10-29
875 瀏覽
九龍灣展覽中心，位置唔算就腳，同mega box 一樣要搭shuttle先到，所以人流較少，而野食選擇都唔算多，今次試左呢間傳聞野食份量好少既西餐廳，結果真係少到...全檯既朋友食完呢個午餐都即刻話準備定食下午茶呢到set lunch 價錢由五十蚊至一百蚊左右，唔算好平，但最抵讚係呢到既環境的確唔錯，紅磚既設計加埋各種特式擺設，約埋班朋友黎食野吹水真係幾有氣氛架！！不過野食就始終最重要....泰式煎蝦袖子沙律$58：雖然係西餐廳，但都有少量泰式食物選擇，算係幾特別。份量唔算多，蝦有四隻，全部都係煎香左，但唔覺得特別鮮味，醬汁味道偏酸甜，唔似平時正宗泰式法律果種辣口既味道，似飲緊袖子蜜，木瓜絲同紅蘿蔔絲都較少，主要其實係食菜，但呢個明明係泰式沙律，真係變哂西式咁雞肉捲配意粉$58：雞肉捲呢個平時比較少食，其實係雞脾肉加以少少調味再慢煎？如果您係期望食到煎香既雞咁呢個就唔多岩您，無煎香之餘而且調味較淡，幸而雞肉本身滑身鮮嫩，而且有脂肪夾雜係入面提升左個滑溜感，但意粉既量真係少到......意粉又乾身，上面蕃茄都過酸！雜菇忌廉螺絲粉：雖然叫果陣都知係無肉，但雜菇成碟係得六七粒，我地仲要四個人
呢到set lunch 價錢由五十蚊至一百蚊左右，唔算好平，但最抵讚係呢到既環境的確唔錯，紅磚既設計加埋各種特式擺設，約埋班朋友黎食野吹水真係幾有氣氛架！！
不過野食就始終最重要....
泰式煎蝦袖子沙律$58：雖然係西餐廳，但都有少量泰式食物選擇，算係幾特別。份量唔算多，蝦有四隻，全部都係煎香左，但唔覺得特別鮮味，醬汁味道偏酸甜，唔似平時正宗泰式法律果種辣口既味道，似飲緊袖子蜜，木瓜絲同紅蘿蔔絲都較少，主要其實係食菜，但呢個明明係泰式沙律，真係變哂西式咁
雞肉捲配意粉$58：雞肉捲呢個平時比較少食，其實係雞脾肉加以少少調味再慢煎？如果您係期望食到煎香既雞咁呢個就唔多岩您，無煎香之餘而且調味較淡，幸而雞肉本身滑身鮮嫩，而且有脂肪夾雜係入面提升左個滑溜感，但意粉既量真係少到......意粉又乾身，上面蕃茄都過酸！
雜菇忌廉螺絲粉：雖然叫果陣都知係無肉，但雜菇成碟係得六七粒，我地仲要四個人分，真係就咁淨螺絲粉咁食囉喊出黎好彩佢都叫有少少忌廉汁，不過要讚一讚佢既忌廉汁唔係奶或者好淡既白汁，如果再稔身啲會更佳，但整體真係接受唔到淨食螺絲粉囉....
葡汁雞飯：呢個係成餐飯比較上最好既set lunch，起碼有成碗葡汁比您撈下飯，唔會太淡口，葡汁帶微甜而不辣，係我中意既味道雞肉份量都叫合理，同樣雞肉同雞捲一樣唔鞋口，飯煮得偏硬好彩有汁撈飯。
芝士雞肉饀餅：本身對呢個期望好高，但呢個催左好多次，啲粉同飯都食哂佢都未黎，最後終於黎到，但竟！然！係！涷！既食物既熱度真係好重要，更何況呢個係個饀餅而唔係普通意粉或者飯喎！！！都無時間再等，唯有食啦，芝士幾香但涷左凝固哂好無癮，同埋係好隱約咁食左少少類似火腿絲既肉咁，諗住呢個可以填飽肚少少，點知比其他更加唔知食左啲咩落肚呢個明明係個set lunch黎架喎......
其實除左饀餅要等到2046外，其他每個餐都係每個等十幾分鐘逐個慢慢上，我同朋友四個就好似餓狼咁一有野食上每人分幾啖咁，結果四個人叫五個餐都係勁唔飽，lunch time既話真係無下次
張貼
