碰碰麵撈麵專門店 (已結業)

星期五，喺青衣放工，出到旺角一點度。行行吓去咗洗衣街，見到有間新開麵店，於是試試。佢有set lunch & 車仔撈麵。 價錢不便宜，lunch set 較抵，42蚊有沙律同飲品。 但當日嘅午歺唔啱我口味，於是叫咗車仔撈麵。 墨魚卷撈手打蝦子生麵，配以一碗豬骨湯，個麵就有蜜糖豆，雲耳，芽菜同豆卜。 蝦子生麵好爽口，無鹼水，但份量太少，男生一定唔夠。撈麵嘅豉油唔夠香濃，偏淡。 墨魚卷不過不失，炸過的，香口。 個豬骨湯好勁胡椒，好辣，但味濃。枱上放的菜甫粒好味，不過好辣！