漢堡王

營業中

休息中

一個大霧落雨嘅日子上來山頂，一片白芒芒咩都睇唔到，所以入去餐廳hea下。叫左一份十號餐，蘑菇雙層漢堡，加五蚊轉洋蔥圈，再加八蚊要埋炸鷄條，成餐盛惠七十一蚊，貴過老麥少少咁啦。燒過嘅蘑菇好香，牛肉有牛味，哈哈，再加埋溶左嘅芝士，正。洋蔥圈塞到個盒滿哂，又熱，好味，可惜包裝茄汁出水，唔夠茄味。炸鷄條重黑椒味，不過半溫，麻麻地。唔講唔知原來汽水咁大杯，真係兩個人飲都夠。間鋪好靜，唔使排隊又多位揀，不過無人執枱，黏立立，仲有蚊仔飛來飛去，有改善嘅空間。