新蔡潤記魚旦粉麵 (已結業)

呢間由細食到大，因為搬左屋，已經2年無去。今朝一早特登入去食，成間舖得我一個客，落完柯打後久久都未有得食，原來阿姐掛著吹水，仲未開始淥麵。好啦，過了15分鐘終於黎碗麵，我叫牛腩牛丸熟麵，份量極不合理，那4條牛腩，每條仲細過我尾指頭，完全離曬大譜！我要熟麵又同阿姐講，佢仲話：你又唔係叫牛腩麵，係咁㗎喇，你唔夠咪加牛腩咯！我咁多前都係咁叫，都知道牛腩會少D，但絕對唔會將細過麻雀size 的一小件牛腩仲分開條上！一句完，老字號自己趕客，唔會再幫襯。