金田家 (已結業)

首先講下個拉麵，湯汁鮮美濃郁，非常足料，麵條嘅份量又夠多，簡直係非常抵食，值得一嚐。而且個辣度非常啱鍾意食辣嘅朋友仔，非常之惹味，會令人食到停唔到口。加上非常多嘅豚肉，會令你食到非常滿足，一啖肉一啖面，正，食過翻尋味。整體上都係正。到重頭戲就係－海老餃子。睇樣就覺得佢平平無奇，但係一食落去真係忍唔住「哇」出聲。海老餃子唔大粒，大概可以一啖食曬。出色嘅地方係佢個皮夠薄，個底煎得夠香脆，係金黃色。咬落去，係有聲，好crispy，絕對係必點嘅小食之一。海老餃子嘅味道細細品味會感受到置身於大海暢泳一樣，真係值得一試，絕對唔會後悔。飲品方面，我地就叫左2杯水果味特飲，非常解渴。整體而言，呢餐係好好好抵食，一定會再試!