Lbk (已結業)

係太古坊返工，附近既餐廳咩都試晒咁濟啦，朋友話呢間餐廳新開，所以都想一齊黎試下。叫左呢個雞卷，可再選薯條或沙律，再配一杯飲品，加埋一大約係一百蚊到，比起附近既餐廳就真係貴左少少，但係難得同朋友聚舊，又唔洗等位，環境又舒服，價錢貴少少都可以接受既。個雞卷D肉味道唔算濃，又唔太肥，個皮夠薄，加埋沙律菜真係唔錯，再加埋沙律做SIDE DISH，真係一流。朋友食左個羊肉卷，配薯條做SIDE DISH，薯條炸得火喉剛剛好，唔太油，唔怕肥既真係可以一試。不過本人認為呢到既份量過多，2個卷再加一個沙律同餐飲一個女仔真係食唔到，如果2個女仔黎既話可以試下叫一個餐再加一個小食大家SHARE。