牛壹台食 (已結業)

灣仔最近開左一間台式牛肉麵，細細間但每次行過都見到好多人喺外面排隊，今日我地又走去食了；等左大概5分鐘就有得入座，一入去坐落，侍應已經好熱心咁遞左幾份餐牌俾我地，服務態度殷切。對於食左好多次嘅我嚟講，已經對份餐單熟哂，一望已經知自己想食咩，唔使諗咁多。最後，我揀左特濃蕃茄牛腱牛肉麵，配百香果紅茶。以台灣牛肉麵嚟講，份量最多嘅一定非牛壹台食莫屬，佢個份量唔止係麵多咁簡單，係牛肉個份量都好多，多到你食唔哂.....如果特別大食嘅朋友仔真係要試下挑戰！