安南越式牛肉粉

營業中

休息中

睇演唱會前經過大有商場，就揀咗食安南越南牛肉粉。去到好彩有位，唔需要等，而我哋睇餐牌，都好快就揀咗要一個雞絲湯檬$58（蕃茄湯底＋$2），另一個係牛肉湯粉$58，無再叫其他嘢，因為見到隔離枱，就已經知道份量十足。大約3分鐘就有得食啦，我食嘅雞絲湯檬，因為用蕃茄湯底，味道真係好濃嘅蕃茄味，而且仲有大大舊嘅蕃茄，雞絲及檬粉亦好多，食一碗就已經好飽。而牛肉湯粉，亦有好多牛肉，味道亦唔錯，算係抵食。無叫其他嘢飲，只飲暖水，都覺得餐廳嘅水，無異味，職員亦好有禮貌，環境算乾淨，座位相隔距離都好大，令人坐得安心舒服。