啤啤Bear韓國包車

營業中

休息中

韓式餐廳，侍應會俾啲豆芽泡菜同埋醃製蘿蔔，等陣食啲熱氣嘢就冇咁熱氣，好清新。韓式芝士黑松露炒麵，侍應會俾個火爐你，燒熱芝士，等到芝士溶晒就可以熄火，跟住就撈埋黑松露炒麵，黑松露香味加滿滿芝士，麵質煙煙韌韌，味道有層次。蒜蓉牛油無骨炸雞，件件雞都好大件，外皮炸就得鬆脆，吸埋啲蒜蓉牛油汁，好香，雞肉好彈牙，可以大口大口食。炸魷魚圈，外層炸粉鬆脆，內裏魷魚彈牙。韓式冷麵，好大碗，好清新，水冷麵質感煙煙韌韌好有彈性，加埋清新嘅青瓜同埋紫菜絲，好爽彈牙。嗌咗兩杯嘢飲，一杯有特色嘅係冇酒精西抽梳打，唔會太甜，好清新嘅西抽香味。最後嗌咗個甜品，菠蘿沙冰，又係好大碗，上面有好多菠蘿粒，下面就係充滿菠蘿味嘅綿綿沙冰。