銘興山西刀削麵 (黃埔新邨) (已結業)

紅磡嘅朋友都應該認識，「銘興山西刀削麵」我第一次嘅黎試。亦因為熱情嘅老闆娘同客人都已經建立左一定嘅關係，加上價錢大眾化，好容易成為街坊嘅飯堂。花雕醉雞刀削麵$56改熱拌麵啦加 $10食物份量大到嚇親，刀削麵係一大盤，足足兩人份量。以為北方食物味道偏重，原來又未必。刀削麵煙煙靭靭，和廣東麵的幼細背道而馳，粗豪的外表，但口感卻十分順滑，配上大量青瓜絲和花生，微辣蒜蓉和麻醬，絕對是多重享受！估佢唔到花雕醉雞足足有半隻雞咁多，花雕酒的濃香滲入鷄件，亦加入了杞子、紅棗等令賣相更吸引。鷄腿和鷄胸也同樣嫩滑，完全沒有雪味，花雕酒香氣在舌頭上陪伴，酒香四溢，還有流心雞蛋也充斥著酒香，我超喜歡！連杯凍檸蜜都係大大杯。