李家 (埃華街)

營業中

休息中

記得以前同啲朋友去完clubbing飲完嘢, Second Round會去炸雞店食炸雞再啤一啤, 可能太懷念呢段日子, 所以依一晚同朋友仔去咗大角咀李家炸雞店回味一下食炸雞嘅歲月！因為我同朋友呢一晚都好忙！所以相點鐘先過嚟食炸雞, 入到店內感覺餐廳很簡約, 攞起餐牌睇, 睇到有好多口味嘅不同炸雞款式, 有芝士味、有辣咖哩味、亦有燒烤味同粟米炸雞味, 但我哋最終係揀咗冇骨蜂蜜蒜蓉炸雞味！其實佢哋有個特別選項, 可以揀有骨嘅雞或者無骨嘅雞, 當然冇骨嘅雞就會貴多少少啦...另外我哋想試多一樣食物所以揀咗牛肉炒粉絲, 有嘢食當然要飲埋嘢啦, 我揀咗一杯士多啤梨梳打, 而我朋友仔就揀咗杯西柚梳打！頭盤先嚟兩杯嘢飲酸瓜同沙律小食, 酸瓜當然要攞嚟開一開胃口等我哋可以大吃大喝, 繼而嚟咗跌大大份量嘅牛肉炒粉絲, 最尾就嚟返個蜂蜜蒜蓉炸雞, 蜂蜜同蒜蓉味十足, 呢啲份量真係大大鍱其實我哋兩個人真係食唔曬, 炸雞嘅份量可以三個人或四個人先至可以食得曬, 我同我朋友食咗啲牛肉粉絲只係食得一半炸雞嘅份量, 可想而知依間炸雞店嘅份量的確十足！