韓閣 (已結業)

今日帶埋阿女去黃大仙同朋友食飯，見到呢間韓國餐廳食物選擇幾多，所以就入左去食。朋友唔太肚餓，加上有個細路，所以主要都係食輕食入主，點知黎到都係大大份，真係估佢唔到😂首先要推介的是紫菜肉鬆蛋卷，睇圖都見到份量幾多。蛋卷做到少少流心😍，唔會煮到好老，作為前菜黎講，佢又甜甜地，幾開胃，又大大舊，幾對得住個價錢。之後另一樣係軟殼蟹牛油果三文治，D料勁多，但係完全無從入手，唔知邊度食好😝最後我地決定先SHARE左隻軟殼蟹先食個包，隻蟹無炸到好硬，仲係淋淋地有肉汁，而且仲有膏😱！好正😱！而個包就脆的，連埋軟身牛油果一齊食幾夾。最後我地當然要食返個甜品埋尾啦，而我地要等左一般時間先上枱，建議可以想食之前半個鐘叫定。一問之下，原來等得耐係因為個格仔餅要即刻烘，食落去真係有分別唔係凍冰冰！格仔餅咸咸地，一定要連埋雪糕一齊食，咸咸甜甜咁就好夾啦😊。PS: 最後真係特別讚一讚員工幾NICE，見到我帶埋阿女，都主動幫我抹多一次張枱(張枱本身已經好乾淨)，呢樣真係好窩心❤️。