Kim's Spoon (已結業)

依個四人餐份量絕對多到食唔晒,首先有三碟開胃小食。辣青瓜,醬油醃蓮藕片同埋辣魷粒魚絲,枱面仲有一大班樽泡菜任添。前菜就有個八爪魚沙律,好新鮮清新爽脆韓式粉絲味道就比較淡冇咩特別。我最欣賞就係個韓式豬手,超大隻份量超多,啖啖到充滿骨膠原,配埋一D醬同埋蒜頭,再用生菜包住一啖食落去好正。青口番茄濃鍋酸酸甜甜,仲有10幾隻青口,而且隻隻都開晒口,夠新鮮。精選嘅燒烤拼盤有醬油鰻魚,辣魷魚,大蝦,手切醃牛骨肉,雞肉同紐倫堡腸,個人覺得魷魚味道可以淡番D,實在太辣啦。四人餐仲包埋四杯特飲,同埋幾個friends一齊去食,抵到爛啦。