影片
更多
2021-08-16
389 瀏覽
週末到訪風景怡人嘅愉景灣⛪️，決定要拜訪一下好多人推薦、大名鼎鼎嘅ZAKS。ZAKS係愉景灣最大嘅餐廳😝，有成5000尺咁大，分咗上下兩層，戶內戶外。當日特意挑選左張最近海邊嘅枱，入夜之後望住醉人沙灘同埋海景，加上枱上嘅小蠟燭，氣氛都幾浪漫😳。而ZAKS主打fusion菜，包含多國菜系、照顧哂唔同人嘅口味👍🏻今次我地點左一個店家推薦嘅combo set，個set包括左Caesar salad🥗 、椒鹽魷魚🦑、白酒大蜆扁意粉🍝、ZAKS嘅招牌特色pizza🍕，同埋兩杯飲品🥂。喺逐一點評之前，不得不讚ZAKS嘅每樣食物嘅分量都好多🥰，以正常食量嚟講，呢一個combo set應該可以夠3個人食飽🤣-$599 combo set B-Caesar salad🥗 -ZAKS嘅Caesar salad同平時食開嘅無太大分別，主要係romaine lettuce🥬 、焗麵包粒🍞、磨碎左嘅Parmesan cheese🧀，最後加上經典嘅caesar dressing。入口都係經典嘅味道，比較特別嘅係，呢度嘅焗麵包粒係比較硬同埋比較大粒，每次食都要分開幾啖先咬完一粒cruton😗椒鹽魷魚(salt & p
今次我地點左一個店家推薦嘅combo set，個set包括左Caesar salad🥗 、椒鹽魷魚🦑、白酒大蜆扁意粉🍝、ZAKS嘅招牌特色pizza🍕，同埋兩杯飲品🥂。喺逐一點評之前，不得不讚ZAKS嘅每樣食物嘅分量都好多🥰，以正常食量嚟講，呢一個combo set應該可以夠3個人食飽🤣
-
$599 combo set B
-
Caesar salad🥗
-
ZAKS嘅Caesar salad同平時食開嘅無太大分別，主要係romaine lettuce🥬 、焗麵包粒🍞、磨碎左嘅Parmesan cheese🧀，最後加上經典嘅caesar dressing。入口都係經典嘅味道，比較特別嘅係，呢度嘅焗麵包粒係比較硬同埋比較大粒，每次食都要分開幾啖先咬完一粒cruton😗
椒鹽魷魚(salt & pepper calamari)
-
首先，分量好多🥰！由於魷魚係新鮮炸起，上枱嗰陣食嘅第一啖都感受到當中嘅熱力😚，咬入口就感受到佢嘅脆漿好薄，一下清脆嘅口感，隨即感受到新鮮魷魚🦑嘅軟糯，配上店家提供嘅泰式辣醬同埋他他醬，完全感受到豐富嘅滋味☺️！作為starter，呢度菜做得特別好嘅地方在於佢嘅炸漿夠薄👍🏻，而且配上檸檬，加入一啲酸味👍🏻，即使食炸嘢都唔會覺得好油膩，亦都非常下酒，適合一路飲🥂一路食，談笑風生😚。
白酒大蜆扁意粉🍝
-
雖然佢叫白酒大蜆扁意粉🍝，但係佢主要係用Pepperoncino sauce，即係以蒜片🧄、橄欖油仲有辣椒🌶作為嘅基底醬汁。所以入口之際，率先感受到嘅係蒜頭嘅香味，其後係橄欖油香同埋舌頭上微微嘅焦灼感🥵。店家選用扁意粉，令佢更加掛味，吸收到濃郁嘅蒜香🧄，同埋淡淡蜆嘅鮮味。蜆肉新鮮彈牙，無沙，雖然稱唔上大蜆，但係分量都有20隻左右，已經收貨👍🏻。整體嚟講味道豐富，唔錯🥳
ZAKS House Special Pizza🍕
-
成餐飯雖然慢慢食，但其實食到Pizza已經飽左八成，所以真係食唔哂🥺。ZAKS嘅招牌Pizza嘅配料有sausage、ham、pepperoni、青椒🫑、洋蔥🧅、菠蘿🍍，都算係一種幾經典同豐富嘅配搭。上菜個陣熱辣辣🤩，一拎上手就已經感受到Pizza嘅皮好脆🤩，急不及待想放入口試下咩味。而咬落去個際，就感受到豐富嘅芝士🧀帶嚟嘅口感，而佢嘅外皮十分香脆，會令人想一直咬落去🤣。醬料同上面嘅配料配搭得宜，辣度唔會過多，菠蘿又唔會太甜太多汁搶左個味同口感，味道非常平衡，讚😋
另外包soft drink 2杯： 揀選了Ginger Ale同Ginger Beer
張貼
