影片
更多
2023-10-12
114 瀏覽
走中國宮廷風嘅火鍋店，之前食過一次覺得嘢食份量足味道都幾好~ 🔘花膠雞湯鍋(半隻) $318花膠雞另外上，店員會即場剪啲花膠落去湯底度，另外雞件已有七成熟，想食嘅時候先再放落湯底，咁樣避免雞件過熟，湯底嘅雞味超級濃郁，用上三黃雞烹調，肥美嘅雞加上厚身花膠，含有大量骨膠原，值得推介嘅湯底~🔘牛肉拼盤 (細）$418有七款牛肉，其中安格斯牛小排同手切牛頸脊都比較有印象同好味，另外特別啲嘅係牛展同牛黃喉，尤其牛黃喉非常爽脆唔會靭，牛魔王必點，每樣試少少幾開心~🔘伊比利亞橡果豬 $168食橡果嘅西班牙伊比利亞豬，豬肉帶獨特香味，肉味濃郁，非常好味，同牛肉相比絕對唔會被比下去~ 🔘大滾友雜菜拼盤 $98呢個蔬菜拼盤性價比好高，蔬菜種類同份量好多，淨係菜都有三款，其他蔬菜包括有萵筍、紫淮山、金菇、木耳、蓮藕片等…數之不盡~🔘手打鵝肝墨汁墨魚丸 $72呢度都幾多特別味道嘅手打丸，墨魚嘅存在感高過鵝肝， 十分彈牙~🔘鬼馬油炸鬼 $68油炸鬼釀上墨魚滑，呢個一定要煮耐啲，等油炸鬼腍晒，吸收少少湯嘅精華就最好食~🔘竹蔗茅根 $78個水壺好切合宮廷風😂，竹蔗水清甜~🔘火焰焦糖豆腐花係加入會員嘅迎新甜品，搞搞
🔘花膠雞湯鍋(半隻) $318
花膠雞另外上，店員會即場剪啲花膠落去湯底度，另外雞件已有七成熟，想食嘅時候先再放落湯底，咁樣避免雞件過熟，湯底嘅雞味超級濃郁，用上三黃雞烹調，肥美嘅雞加上厚身花膠，含有大量骨膠原，值得推介嘅湯底~
🔘牛肉拼盤 (細）$418
有七款牛肉，其中安格斯牛小排同手切牛頸脊都比較有印象同好味，另外特別啲嘅係牛展同牛黃喉，尤其牛黃喉非常爽脆唔會靭，牛魔王必點，每樣試少少幾開心~
🔘伊比利亞橡果豬 $168
食橡果嘅西班牙伊比利亞豬，豬肉帶獨特香味，肉味濃郁，非常好味，同牛肉相比絕對唔會被比下去~
🔘大滾友雜菜拼盤 $98
呢個蔬菜拼盤性價比好高，蔬菜種類同份量好多，淨係菜都有三款，其他蔬菜包括有萵筍、紫淮山、金菇、木耳、蓮藕片等…數之不盡~
🔘手打鵝肝墨汁墨魚丸 $72
呢度都幾多特別味道嘅手打丸，墨魚嘅存在感高過鵝肝， 十分彈牙~
🔘鬼馬油炸鬼 $68
油炸鬼釀上墨魚滑，呢個一定要煮耐啲，等油炸鬼腍晒，吸收少少湯嘅精華就最好食~
🔘竹蔗茅根 $78
個水壺好切合宮廷風😂，竹蔗水清甜~
🔘火焰焦糖豆腐花
係加入會員嘅迎新甜品，搞搞新意用火槍燒過面頭嘅糖，形成一層焦糖脆脆，幾特別，最緊要豆腐花香滑，唔hea嘅甜品～
張貼
