影片
更多
2018-09-30
70 瀏覽
之前都有食過太子嘅Cafe Paradise，好高興見到今日佢越做越大，越嚟越多擁躉，仲開埋分店添。放工約朋友食晚飯，成日都唔知去邊食，但又想搵間cafe坐下傾下計。今日係杏花村附近，心血來潮就入去杏花新城搵餐廳喇！估唔到就見到Cafe Paradise，梗係要試下佢新開嘅分店啦！一踏入去第一個感覺係好童話，裝潢特別，仲有個大既裝飾旋轉木馬，啲員工好服務，都幾好禮貌！今日客人唔算多，大多都係一家人，有老有幼，可能係因為我地太夜黎啦，差唔多8點幾先黎到，坐唔滿人～飲品餐牌好特別，打開時會有立體蛋糕彈出黎，幾有驚喜。Main menu嘅款式都唔少，有扒，意大利飯，意大利粉同千層麵，價錢都唔算貴。仲有set dinner，唔想考慮咁多既話可以揀個main course配套餐就得，價錢同main menu差唔多，但會配有餐湯，沙律，餐飲同甜品。仲有兩款二人餐可選擇，我地都幾肚餓，就選擇左有多野食同埋食物特別啲既$328二人餐！揀左秘制慢煮花甲，西冷牛排同鰻魚薄餅，另外仲加咗$15同$25要咗杯Chocolate@Paradise同洛神花茶。忌廉粟米湯是日餐湯係忌廉粟米湯～凱撒沙律然後就係凱撒沙
放工約朋友食晚飯，成日都唔知去邊食，但又想搵間cafe坐下傾下計。
今日係杏花村附近，心血來潮就入去杏花新城搵餐廳喇！
估唔到就見到Cafe Paradise，梗係要試下佢新開嘅分店啦！
一踏入去第一個感覺係好童話，裝潢特別，仲有個大既裝飾旋轉木馬，啲員工好服務，都幾好禮貌！今日客人唔算多，大多都係一家人，有老有幼，可能係因為我地太夜黎啦，差唔多8點幾先黎到，坐唔滿人～
飲品餐牌好特別，打開時會有立體蛋糕彈出黎，幾有驚喜。
Main menu嘅款式都唔少，有扒，意大利飯，意大利粉同千層麵，價錢都唔算貴。
仲有set dinner，唔想考慮咁多既話可以揀個main course配套餐就得，價錢同main menu差唔多，但會配有餐湯，沙律，餐飲同甜品。
仲有兩款二人餐可選擇，我地都幾肚餓，就選擇左有多野食同埋食物特別啲既$328二人餐！揀左秘制慢煮花甲，西冷牛排同鰻魚薄餅，另外仲加咗$15同$25要咗杯Chocolate@Paradise同洛神花茶。
忌廉粟米湯
12 瀏覽
0 讚好
0 留言
是日餐湯係忌廉粟米湯～
凱撒沙律
12 瀏覽
0 讚好
0 留言
然後就係凱撒沙律，都幾大盤！
沙律菜幾新鮮，大小啱啱好，如果可以加啲肉片塊、蝦仁、雞肉或烚蛋咁仲會更加好，更加吸引！
秘製慢煮花甲
13 瀏覽
0 讚好
0 留言
第三味上嘅係小食慢煮花甲，香草調味唔錯～
但花甲肉略為乾瘦，可能係因為慢煮令到縮左水啦！
大約有十幾隻，兩個人食嘅份量都足夠。
美國安格斯西冷牛扒配燒汁
11 瀏覽
0 讚好
0 留言
之後嚟嘅係主菜西冷牛扒～
賣相唔錯，側邊仲有配菜，有烤蕃薯、番茄配蜜糖BBQ醬、烤粟米、蕃茄仔同薯蓉，味道不錯。
牛扒我哋要咗五成熟，但食落似三成，不過都可接受。
牛扒肉味濃厚，配埋附上嘅燒汁一齊食幾好食，而且份量大，足夠兩個人食。
唯獨係牛扒比較乾，無乜肉汁，但整體黎講都算滿意！
日式和風鰻魚拉絲意式薄餅
12 瀏覽
0 讚好
0 留言
第二個主菜係鰻魚薄餅，一上菜已經聞到香味，木魚絲又因為熱而郁，賣相都幾吸引！
雖然呢道菜名話有拉絲，但我地拉唔到絲，可能係因為個薄餅已經切好左啦！
薄餅配料味道好夾，鰻魚彈牙，但可能因為沙律醬同千島醬唔少既關係，食左一塊已經感覺到飽意！
之後就到嘢飲啦！
二人餐嘅話可以加$15要任何特飲／加$25要花茶。
Chocolate@Paradise
16 瀏覽
0 讚好
0 留言
特飲Chocolate@Paradise，支攪拌棒好可愛，飲管都好有趣，賣相好靚！望落好有休閒渡假風情，而且真係好大杯！
但係一飲落去覺得太甜啦，而且朱古力味唔係好夠濃
洛神花茶
6 瀏覽
0 讚好
0 留言
另一個特飲洛神花茶，附有個蠟燭保暖。
花茶真材實料，個壺有三分一都係洛神花佔既空間，無加糖或人工味道，一壺大概飲到八小杯，值得推介！
朱古力慕絲
7 瀏覽
0 讚好
0 留言
是日甜品係朱古力慕絲，個份量都唔少，我地兩人每人有一份，而且賣相都幾好。
至於味道方面，應該因為雪得太耐，慕絲硬度似雪糕，朱古力味亦唔夠濃，而且比特飲更甜~_~
整體黎講我覺得份量好滿意，食到我地肚滿腸肥！價錢黎講唔算貴，同其他西式餐廳差唔多。
餐廳內裝修幾特別，好適合一家大細黎共享天倫，小朋友應該會好鐘意入口個個旋轉木馬同埋大公仔！
張貼
