居食屋「和民」 (已結業)

今晚同朋友一行3大一小黎食和民..唔知係咪平日既關係..等左兩張飛就入得..記得以前門口成日都排到滿晒..坐低order左滑蛋豬柳鍋配白飯..滑蛋豬柳係呢度必食..滑蛋好香..豬柳夠彈牙..但份量都幾少..重點係配白飯成$16一碗..真係貴到離晒譜😑牛肉鍋燒烏冬..第一次試..幾濃味..烏冬好入味..甜甜地..好開胃..大阪炒面燒餅..呢個好唔錯..菜肉同炒面既份量都岩岩好..因為之前試過第二間淨係成個都係菜..似食炒菜甘..雖然都幾迷你..最後呢個軟殻蟹壽司卷係等得最耐..明明應該最快黎到..但食飽先黎..佢用太卷既方式包住炸左既軟殻蟹..都幾特別..味道幾好.只係黎得太遲..另外我地都叫左d飲品..但紅石榴醋伴鮮果真係好酸..水果茶又偏甜..最好飲都係青柑桔蜜梳打..最正常😂