T Café 1954 (已結業)

我好喜歡懷舊主題，特別係茶餐廳，因為真係有香港特色，但食物質素真係好重要，就好似女仔無內涵，點靚都冇用！呢度環景係好好，光猛之餘，設計佈局都參考以前d茶記，但食物除左外面d椰撻好食，其他真係唔掂！睇餐牌時仲覺得唔錯！無錯！我對餐具係有情意結，見到呢個碗理應加分，但可惜我個雞翼麵真係o左嘴，3隻瘦爆單骨雞翼我已經想講搞錯，個公仔面明顯係一早煮定，發到漲曬，好難食！奶醬多冇驚喜，凍寧賓係熱架！伙記態度最似茶記，又惡又冇禮貌！下午茶都咁貴，真係冇下次！