博多拉麵別天神 (已結業)

店舖細細。門口有一部機自助買野食。如果只有現金可以同店員講借張八達通。買完就俾飛師傅。店內只有十零個bar枱位。咁岩坐正喺部冷氣機下面。結果滴水滴左落個背脊度。衛生一般。枱面有小螞蟻走過。點左蝦味噌豚骨湯麵。選用博多特色嘅幼拉麵。個人而言煮得偏硬。掛湯尚可。湯底用高壓煲烹製。寫明冇落其他野係純豚骨湯。飲落唔會濃到起膠。又唔多覺有味噌味。蝦味主要用麵面類似蝦皮嘅野帶出。味道唔太出。蔥切得唔算幼細。有一片紫菜同罐頭粟米。叉燒有兩塊。比一般叉燒厚身。有大約5mm厚。味道適中。肥膏位爽口。有水同茶供應。不過做唔到日本拉麵店咁。keep唔到冰。應該放左一段時間。