神農氏 (已結業)

今日中午喺元朗仲未諗到食乜， 就試下亂咁行睇下鍾意邊間就入邊間。 突然畀我哋見到呢間“神農氏 “，點解好似之前未見過嘅， 定係平時冇留意呢 。見係食西餐又好似幾企理 ，裏面都坐滿八成，咁不如試下啦 。入到去得番吧枱嘅位置，都ok嘅。 我哋叫咗一個牛扒跟意粉同一個羊架跟意粉， 飲品就叫咗熱茶 。每人大概六十蚊左右。嘢食嚟到原來係用紙碟裝住 ，隻碟唔係好大，食嘅時候有啲論盡 ，而且好唔環保 ，全部餐具係即棄嘅。不過食物味道幾好 ，牛扒同羊架調味都入味，煎得幾香食落幾好食 ，都JUICY，而意粉都算彈牙有咬感 。成碟食物感覺落咗好多橄欖油落去 ，如果成碟嘢再少啲油就更加好啦。另外佢本身有急凍嘅扒賣， 我哋買咗一包牛扒有兩塊， 百幾蚊左右， 返去簡簡單單咁煎都幾好食。