影片
更多
2017-08-28
248 瀏覽
行街行開旺角，識飲識食嘅都知，旺角係幾夜都有野食之外，食物種類都係最多元化同集中嘅，今次同朋友食左呢間喺豉油街嘅旺囍車仔麵啦！之前完全冇留意到有間車仔麵，原來都算係新開冇耐，值得一讚嘅就係佢成功改善左傳統車仔麵點菜「浪費紙張」嘅問題，佢地係用膠板填寫你鐘意嘅餸，真係好環保！其實一早就應該係咁啦！晚市勁好生意，我地都要等左一陣先有位。如果你鐘意辣辣地，一定要揀麻辣汁，唔好揀秘製辣汁，咁就食得過癮啦！因為朋友揀嘅辣汁，即使揀左中辣，都唔係好夠辣。反而我揀嘅麻辣汁味道好突出。最後我地一人點左一碗麵，叫左碟油菜，兩杯飲品。食材方面，選擇超多，我點嘅豬大腸同陳皮魚旦都好入味魷魚爽口彈彈下；木耳同墨魚丸都同一般車仔檔一樣，中規中矩啦。我呢碗點左勁多餸，冇記錯有成5款，仲揀左好爽口嘅蕃薯粉添，大概60零蚊，老老實實，車仔黎計，都唔算平，不過幾好食。朋友點嘅係雞翼、魚片頭、芝士丸幼麵，因為三餸，只係40蚊，即刻覺得自己好大食雞翼有三隻，都忟得幾腍身；魚片頭都幾彈牙；只係芝士丸比較一般，粉感重。至於飲品就揀左凍豆漿($8)、凍檸茶($9)，正正常常啦，但豆漿應該幾受歡迎，因為店員話我呢杯係最後一杯，哈哈
之前完全冇留意到有間車仔麵，原來都算係新開冇耐，值得一讚嘅就係佢成功改善左傳統車仔麵點菜「浪費紙張」嘅問題，佢地係用膠板填寫你鐘意嘅餸，真係好環保！其實一早就應該係咁啦！晚市勁好生意，我地都要等左一陣先有位。
如果你鐘意辣辣地，一定要揀麻辣汁，唔好揀秘製辣汁，咁就食得過癮啦！因為朋友揀嘅辣汁，即使揀左中辣，都唔係好夠辣。反而我揀嘅麻辣汁味道好突出。最後我地一人點左一碗麵，叫左碟油菜，兩杯飲品。
食材方面，選擇超多，我點嘅豬大腸同陳皮魚旦都好入味魷魚爽口彈彈下；木耳同墨魚丸都同一般車仔檔一樣，中規中矩啦。我呢碗點左勁多餸，冇記錯有成5款，仲揀左好爽口嘅蕃薯粉添，大概60零蚊，老老實實，車仔黎計，都唔算平，不過幾好食。
朋友點嘅係雞翼、魚片頭、芝士丸幼麵，因為三餸，只係40蚊，即刻覺得自己好大食雞翼有三隻，都忟得幾腍身；魚片頭都幾彈牙；只係芝士丸比較一般，粉感重。至於飲品就揀左凍豆漿($8)、凍檸茶($9)，正正常常啦，但豆漿應該幾受歡迎，因為店員話我呢杯係最後一杯，哈哈。
腐乳通菜：因為少食屋企飯，我地都點左個菜食下，15蚊，份量適中，菜葉嫩腍。
總計和朋友二人飽肚價$145，不過對面台兩個都$60/70蚊架啦，如果唔似我咁大食，點唔多其實都可以試下
車仔麵店黎講，環境都好乾淨企理，雖然好繁忙，但店員都好有禮。
張貼
