大鼻滷 (沙咀道) (已結業)

放工又攰又餓 諗唔到食咩嘅時候 最鐘意就係去食返碗牛腩麵 貪佢快靚正今次試新野 呢間麵店個logo好鬼搞笑 係一個大鼻 而鋪頭嘅中文名同英文名係一啲關係都冇 不過唔緊要 最緊要啲野好食就得😂打開menu有驚喜 好似未見過潮州粉麵店可以揀出前一丁或者伊麵底 既然係咁當然要試試 叫左個崩沙腩伊麵加水餃雲吞~ 一個牛三寶幼麵加紫菜魚蛋 再黎多個腐乳通菜同細嘅蘿蔔牛雜 知我咩料啦😎腐乳通菜嘅腐乳係自家製 冇出面咁鹹 仲有少少辣油味🥬蘿蔔牛雜最驚喜係個蘿蔔 非常清甜多汁 牛雜份量亦唔少 滷得入味崩沙腩非常好食 好喜歡佢上面煙煙韌韌嗰浸皮 牛腩味濃 啲肉夠鬆化 伊麵底亦都好有驚喜 麵質煙韌爽滑 好鐘意呢個口感 搞到我以後食雲吞麵都想叫伊麵底🙈 雲吞水餃都唔錯 足料紮實 食得到蝦嘅鮮味 又唔會好多肥肉 冇乜味精感 魚蛋爽口唔腥 連辣椒油都係自家製 好夠辣 呢餐超級飽吖~