影片
更多
2019-10-03
667 瀏覽
成日行過海港城，總會見到一間標榜米芝蓮一星嘅日式拉麵，見今日同朋友聚舊，想食下好嘢，心血來朝就入咗去。一入到去，服務員都主動友善帶我入位，坐低後，見到餐牌各種嘅拉麵，真係唔知點揀好，就問服務員「有乜推介」，佢同我講「呢度最出名係醬油拉麵」，好，我就懷住一個興奮且期待嘅心情，叫咗碗醬油叉燒拉麵。大約五分鐘左右，一碗整好嘅拉麵就端到我面前。我動起雙筷，諗住好好品嚐吓碗面啦，先飲啖湯，暖嘅，再飲多啖，微鹹，水溝豉油嘅味道。唔通傳統嘅日本拉麵係咁嘅味道，係咪我唔識欣賞?我抱住疑惑嘅心情，決定直接進攻碗麵嘅主角——叉燒。我一手夾起，放入口，X你個街，凍嘅。塊叉燒中間仲有啲略紅，生生地嘅味道，唔講我仲以為拍緊《人在野》。食到呢度，我已經對碗麵大失所望，諗住食番啖麵可以俾啲驚喜我，平復番我惆悵嘅愁緒。結果，我錯喇，麵條一咬即散，麵質毫無煙韌、彈性可言，係咪 overcooked 我唔知，但嗰一刻我腦裏面只有兩隻字——「難食」。最後，我同友人懷著悲憤嘅心情，含著淚吞咗碗麵佢，心痛咁俾完錢就急急腳走咗，誓言不再踏入呢間拉麵鋪半步。總括而言，呢碗醬油叉燒拉麵，湯淡，叉燒凍而粗糙，麵條毫無口感，毫無性價比可
一入到去，服務員都主動友善帶我入位，坐低後，見到餐牌各種嘅拉麵，真係唔知點揀好，就問服務員「有乜推介」，佢同我講「呢度最出名係醬油拉麵」，好，我就懷住一個興奮且期待嘅心情，叫咗碗醬油叉燒拉麵。
大約五分鐘左右，一碗整好嘅拉麵就端到我面前。我動起雙筷，諗住好好品嚐吓碗面啦，先飲啖湯，暖嘅，再飲多啖，微鹹，水溝豉油嘅味道。唔通傳統嘅日本拉麵係咁嘅味道，係咪我唔識欣賞?我抱住疑惑嘅心情，決定直接進攻碗麵嘅主角——叉燒。
我一手夾起，放入口，X你個街，凍嘅。塊叉燒中間仲有啲略紅，生生地嘅味道，唔講我仲以為拍緊《人在野》。食到呢度，我已經對碗麵大失所望，諗住食番啖麵可以俾啲驚喜我，平復番我惆悵嘅愁緒。結果，我錯喇，麵條一咬即散，麵質毫無煙韌、彈性可言，係咪 overcooked 我唔知，但嗰一刻我腦裏面只有兩隻字——「難食」。
最後，我同友人懷著悲憤嘅心情，含著淚吞咗碗麵佢，心痛咁俾完錢就急急腳走咗，誓言不再踏入呢間拉麵鋪半步。
總括而言，呢碗醬油叉燒拉麵，湯淡，叉燒凍而粗糙，麵條毫無口感，毫無性價比可言，難食。
張貼
