Mango Tree

營業中

休息中

一向好少俾評語，呢間真係不得不寫 尋晚七點同朋友食飯，三大一小招呼麻麻，全枱水都無杯，叫兩杯嚟一杯，再叫三杯嚟兩杯。服務員介紹mocktail 加$10 多一杯，即 $80 兩杯，但食完餐飯都無出現過…俾三個碗我哋飲湯，一個濕立立，一個有乾飯漬冬蔭功湯又稀又淡，可謂醬都唔捨得落要個豬頸肉捲心粉走辣俾小朋友食，話無得走辣。咁轉濕炒河啦，河又無，唯有變濕炒金邊粉，嚟到就係一pat透明芡加粉，加白色豬肉片同一堆三色什菜，無味蝦多士望落唔錯，點知中間心係濕嘅，有一半蝦膠同一半麵包變成糊，好似唔熟咁，難以下咽泰式海鮮粉絲沙律，又係啖而無味，加幾粒雪藏擦膠魷魚同蝦，食材好差，堆埋一齊，垃圾一般服務員推介我哋叫焗蝦粉絲煲，蝦係霉嘅，粉絲係糊嘅，我肯定佢並唔係用泰國粉絲。全煲味道好奇怪，滷水汁味本身仲有個炒菜，無嚟就取消喇服務員收枱問我哋食物點，就同佢反映下，佢就送甜品俾我哋…連最後送嘅椰汁西米糕都可以出錯，單純椰汁味但廚師好有創意地加入大量斑蘭香精，令件糕變咗廁所味，不倫不類，食一啖都好長餘韻，本身諗住送四件糕氹番我哋，點知衰頭衰尾，首尾呼應…真係未食過咁差嘅泰菜勸大家唔好嘥錢，皆因服務員話我哋知泰