影片
更多
2018-08-03
245 瀏覽
朋友黎搵我食lunch,心大心細左好耐應唔應該黎呢度食，因為之前有朋友同我講過呢度好伏，千叮萬囑叫我唔好黎...但另一邊又有朋友話呢度ok，最終抱住一個，我不入地獄 誰入地獄 既心態上左黎。餐廳係商業大廈既3樓，平時午飯時段周圍都會好多人，但同朋友一點鬆D上到黎都仲有好多位，而且兩個人竟然俾張四人檯我地。稀過粥既忌廉湯睇個色水就知係一杯淡而無味既凍檸茶仲聲稱自己係馬來亞餐廳，點左個炒貴刁，唔明點解D粉可以咁硬身，除左食到有微辣之外，我都唔太知自己食緊乜。叉燒海南雞大碗飯，但我點睇都似白切雞囉...而且朋友話舊叉燒硬到點咬都唔爛。總結：冇下次
張貼
