GOMNARU

營業中

休息中

佢價錢拍得住尖沙咀/商場入面韓國餐廳一個海帶湯$108 定唔知$118 ，見佢都要成一百蚊碗，諗住會有水準啲/特別啲，似韓國有啲用牛骨去煲（仲會食到牛肉粒個隻），點知個味係得個鹹字，似係去買即沖湯個種。跟住叫左個豬手，價錢好似$250-280左右，係好乾同有啲柴，又係淨係得個鹹字。係幻想到佢應該係雪櫃拎一早整好既豬手出黎再擺落微波爐翻熱既feel。同之前去某連鎖店食過既韓式豬手真係差天共地，豬手係香口入味同埋淋身，好似入口即溶個隻。配菜正正常常，有樣幾搞笑係見到其中既配菜係有白菜仔，印象中一般嘅韓式配菜應該係麻油撈菠菜？而佢地係用白菜仔，仲要係蒜蓉炒過（好港式）最後加加埋埋5舊水埋單。只能話，價錢同佢既質素唔成正比，食物水準係唔值呢個價，真係好似其他食客話齋，交智商稅。