影片
更多
2019-05-05
253 瀏覽
考慮緊既你可以考慮其他。旺角仲有好多正常人類去既地方啱你。今晚同學聚會，約咗上樓上cafe，位置係旺角呢幢成幢都係賓館嘅大廈度，喺樓下兜嚟兜去先搵到個門口，因為一路都唔相信一間Cafe會係呢棟咁嘅大廈入面。入到個大堂見到個水牌，係搵唔到呢間Cafe嘅，淨係見到好多好多賓館。成個大堂都係遊客，相信係住呢幢大廈入邊幾十間賓館嘅。仲要壞淨一部lift，部lift仲要好容易超重，好有問題。上到4樓先至真係恐怖，周圍都係晾曬衫同被，周圍黑蚊蚊，十足睇鬼片入邊嘅場景。摸黑去到門口，入到去見到得6張枱，燈光暗。仲要有浸貓味添，怕動物味嘅你真係唔好考慮上嚟，如果唔係真係食唔到一餐安樂飯。食物唔多選擇，晚餐得幾個set，我地想用open rice個79折，竟然係一定要叫主菜加飲品先可以79折。我叫左芝士炸雞扒配番茄茸意粉，已經算係比較大份。朋友叫既其他野真係細到無眼睇。雞扒勁細塊，炸完竟然係濕既，一啲都唔脆唔香。意粉係用千島醬加少少番茄汁撈既，係千島醬！真係聞所未聞。呢度上菜速度非一般慢，全場得五枱客，我地竟然都等左半個鐘。被迫叫杯野飲，想叫啲平時少見啲既，就叫左士多啤梨乳酪。黎到成杯係白色既，咁好明顯
今晚同學聚會，約咗上樓上cafe，位置係旺角呢幢成幢都係賓館嘅大廈度，喺樓下兜嚟兜去先搵到個門口，因為一路都唔相信一間Cafe會係呢棟咁嘅大廈入面。入到個大堂見到個水牌，係搵唔到呢間Cafe嘅，淨係見到好多好多賓館。
成個大堂都係遊客，相信係住呢幢大廈入邊幾十間賓館嘅。
仲要壞淨一部lift，部lift仲要好容易超重，好有問題。
上到4樓先至真係恐怖，周圍都係晾曬衫同被，周圍黑蚊蚊，十足睇鬼片入邊嘅場景。
摸黑去到門口，入到去見到得6張枱，燈光暗。
仲要有浸貓味添，怕動物味嘅你真係唔好考慮上嚟，如果唔係真係食唔到一餐安樂飯。
食物唔多選擇，晚餐得幾個set，我地想用open rice個79折，竟然係一定要叫主菜加飲品先可以79折。
我叫左芝士炸雞扒配番茄茸意粉，已經算係比較大份。朋友叫既其他野真係細到無眼睇。雞扒勁細塊，炸完竟然係濕既，一啲都唔脆唔香。意粉係用千島醬加少少番茄汁撈既，係千島醬！真係聞所未聞。
呢度上菜速度非一般慢，全場得五枱客，我地竟然都等左半個鐘。
被迫叫杯野飲，想叫啲平時少見啲既，就叫左士多啤梨乳酪。黎到成杯係白色既，咁好明顯啲所謂士多啤梨係糖漿黎。飲落眾望所歸，甜到不行，同係大陸飲既娃哈哈差唔多。唉，飲完仲衰過飲珍奶，熱量爆表又唔健康。而家諗返起都有啲想作嘔添。
埋單人均$140。咁伏既經歷安全唔可以接受。
呢度唔係可一不可再，係一次都唔好黎。唔係三思，係一次都唔好考慮。
張貼
