Cocina 3 Tapas Restaurant & Bar (已結業)

Friday 想舒舒服服食餐飯，點知一連串事件令人嬲到爆！薯蓉內有發泡膠粒，waitress 話送番甜品，我話唔需要，兼叫埋單.點知收野時被另一個waitress淋到成褲同鞋都係燒汁，佢匆匆放下幾張濕紙巾就走左去；開始火滾！ 叫佢俾多d紙巾或者濕毛巾抺褲我一路抺，點知個waitress 拎左甜品出黎，已經再重申話唔需要！但佢都照推落張枱到，跟住又走左去！心諗咩事啊間餐廳，叫左個著西裝嘅黎想表達對整個過程的不滿，結果尼位男西裝服務員阿叔先係極品！我都未講完件事，佢已經打斷，極敷洐的態度 話：'唔好意思，係waitress 自把自為送甜品，你可以去洗衣鋪洗褲，俾張單我地claim‘ 真係有病，我仲要特登去搵洗衣鋪啊！而且又解決唔到當時有燒汁抺到濕曬條褲嘅問題！最後佢話最多俾個8折你！唔想再同個阿叔吵，照埋單走人！一個沙律、一個牛扒，$5xx總括而言 伏到爆！ 正評不知從何而來！希望佢認真改善服務及食品質素！