上勝日本料理 (昌隆工業大廈) (已搬遷) 新店位置

屋企樓下開咗間新嘢，收工求其食個飯，誰知唔試由自可，一試嚇到傻咗！$188上勝特盛丼，DNGH膠兜？你冇睇錯真係膠兜，仲要係6吋細細隻你去BBQ$6.9十隻嗰啲發泡膠兜，全套即棄餐具連豉油碟都係，個感覺好差好差。算，我睇返碗飯，魚生切薄少少好正常，未去到燈影級數，但睇真啲，三文魚係邊位仲連住內皮，海膽個面已經開始乾，魚籽得保濟丸咁大粒，萬幸嘅係佢未算太唔新鮮，全部要靠豉油吊味，山葵欠奉，我寫到呢度未肚痛已當贏。以為冇得再輸？少年你太年輕喇，我掀開魚生見到啲飯啡色嘅！因為佢根本唔係壽司醋飯，而係豉油飯！問你死未！收我咁嘅價錢茶都冇杯，連水都冇，算我運滯唔帶眼識餐廳。