糖·公館 (已結業)

呢間野食過三次  每次都好伏  但點解會再食啊只係因為佢係唯一一間係荃灣開到三點  但經過今次以後都不會再幫襯了  第一次叫咗個薑汁小丸子  椒鹽燒賣  卡邦尼意粉  個薑汁小丸子好淡薑汁味  小丸子亦都唔好食  千其唔好叫  椒鹽燒賣好鹹而且好硬  意粉都硬  痴線仲要等左好耐好耐  大概20至30分鐘  諗住會有好品質嘅食物  點知煮咁耐都咁難食    第二次叫咗個窩夫同心太軟  窩夫本身食落ok    但比得太多汁食到底完全濕晒  似食緊一個濕嘅蛋糕  心太軟OK  係香芋雪糕有啲假  似係將香芋融咗再雪返嘅嗰感覺  仲衰過雀巢嘅香芋雪糕      第三次  諗住上次個心太軟OK所以再叫多次    夜晚松記又無開  又好想食甜品  點知今次個心太軟直情係冇朱古力流心 係朱古力蛋糕  我見有食評講話朱古力留心最都係塔落嚟  但係我依個直情係冇流心  係唔係痴線  一間甜品店竟然可以做到咁失敗  佢烘焙陪技術非常之差  究竟呢間野係點樣開出嚟  同埋點解會有成10個好評    真係好嬲  完全係食咗一件失敗品