影片
更多
2022-12-02
326 瀏覽
見廣告同食評都幾ok，公司同事一行十人去試吓呢間新嘢，一嚟大家都未食過，二嚟志在圍埋傾計，我哋只叫咗基本燒肉set。環境：裝修唔錯，唔會好窄好嘈（相信係平日夜晚，入坐率大約6成，有d一個人燒），但抽油煙囪拉到好低，完全見唔到前面個人😂。某d座位冷氣超凍！重點，食物：以$268一位嚟講，個人覺得食物種類略為多番少少比較合理。肉類質素同調味都係一般。火力好大，食物好快燒燶，想較細火又自動熄火😩。飲品自取，選擇唔多，驟眼睇只有凍飲，喺雪櫃攞咗杯杯裝綠茶，又唔熱又唔凍嘅。食物全部手機落單，食物嚟得都快，冇漏單。服務：唔差，都多嚟收碟。不過本人比同事遲到，入場時冇職員接待招呼。揾waiter幫手影合照，有主動攞走透明隔板同餐牌先影。不過10個人合照佢只影咗兩張，一張失敗（有人未準備好😅），得一張成功。埋單時收銀職員樂意分單🧾，方便我有揸車嘅同事！👍🏻每張枱每個位都有櫃桶，放滿紙巾、牙簽，但咁大件事竟然冇人講！戲肉：晚飯後冇幾耐，本人同另一同事已經肚痛肚痾，再有一位同事腸位不適，第二朝醫生診斷為急性腸胃炎！而我哋三人都有當晚都食咗生蠔，1至4隻不等！利申，真實食客意見，唔係亂作想唱衰！希望店主店員
環境：裝修唔錯，唔會好窄好嘈（相信係平日夜晚，入坐率大約6成，有d一個人燒），但抽油煙囪拉到好低，完全見唔到前面個人😂。某d座位冷氣超凍！
重點，食物：以$268一位嚟講，個人覺得食物種類略為多番少少比較合理。肉類質素同調味都係一般。火力好大，食物好快燒燶，想較細火又自動熄火😩。飲品自取，選擇唔多，驟眼睇只有凍飲，喺雪櫃攞咗杯杯裝綠茶，又唔熱又唔凍嘅。食物全部手機落單，食物嚟得都快，冇漏單。
服務：唔差，都多嚟收碟。不過本人比同事遲到，入場時冇職員接待招呼。揾waiter幫手影合照，有主動攞走透明隔板同餐牌先影。不過10個人合照佢只影咗兩張，一張失敗（有人未準備好😅），得一張成功。埋單時收銀職員樂意分單🧾，方便我有揸車嘅同事！👍🏻每張枱每個位都有櫃桶，放滿紙巾、牙簽，但咁大件事竟然冇人講！
戲肉：晚飯後冇幾耐，本人同另一同事已經肚痛肚痾，再有一位同事腸位不適，第二朝醫生診斷為急性腸胃炎！而我哋三人都有當晚都食咗生蠔，1至4隻不等！
利申，真實食客意見，唔係亂作想唱衰！
希望店主店員見字會接受意睡，跟進一吓！
張貼