麥當勞

營業中

休息中

上次的肉醬安格斯牛肉漢堡加上那19橙汁雜飲，真係劣評如潮，但係我呢類餓底點都會試下chef lemon 的新攪作，一試之下其實唔太差，我覺得對得住signature呢條line。今次洋蔥豬扒包，其實明顯伏味濃郁，但我都本死一試。試野就要試全套，加7.5要埋菠蘿特飲同鋒味避風塘炒蟹調味粉shake shake 薯條。個包真係高層到到你唔信，到底係點樣先可以整到好似彌敦道9號咁，髮型唔襯佢面形，面形唔襯佢身形。豬扒還豬扒，包還包，洋蔥還洋蔥，汁還汁，所有嘢撞到蹦蹦聲，呢個真係chef lemon 嘔心瀝血傑作。再加上那避風塘炒蟹調味粉的真情演繹，令我尤如食緊兒時常食的媽咪麵一般充滿回憶，有興趣挑戰嘅朋友不妨一試。但佢有個優點要讚的，就係都算夠飽肚😂。