渣華茶冰廳

營業中

休息中

聽人講個沙嗲牛麵好食，同同事專登過嚟，一行六個。Staff過嚟落單，粗粗魯魯，落到一半坐埋落嚟，落完單又不斷喺隔籬講是非，好聽啲講係有種親切感貼地感茶餐廳感。沙嗲牛完全食唔出特色。其他人嗌咗沙薑雞話沙薑味ok。 仲兩有個嗌咗炒丁麵，一個真係丁麵，另一個係公仔麵。嗯，可以讚嘅，有湯送。由於入到去被安排坐喺垃圾房隔籬，度門一直冇閂，一路食一路聞住陣酸縮味，一直好想嘔。加埋啲抹枱布就掛喺附近，後面就係廚房，長期有油煙味加一陣陣暖氣。大家拿拿聲食完就走，食龍肉都應該冇味。不會再來了。