Krua Walaiphan (已搬遷) 新店位置

星期日晚上七點幾，原本想去食牛肉麵，因為米之蓮效應，太多人排隊，唔想等，見呢間食評不錯，於是轉食呢間泰國菜。因為冇book位，等咗一陣，坐門口位，看一看餐牌，比較少選擇，菜只得炒通菜一款，價錢也在中上價，諗住穩陣D，叫咗蝦餅、炒金邊粉、炒通菜。我地七點半倒入座，第一道菜係蝦餅，差不多八點先有得食，原因係佢地不斷只做外賣生意，不斷地包外賣，完全當堂食客冇到！有個外國人遲過我地入嚟外賣，仲快過我地有，不但如此，有一家四口，兩大兩小，唔知係咪因為叫白酒飲，遲過我地入，但快過我地有得食！講番食物，全部都超級唔掂！蝦餅好細件，完全唔彈牙，冇蝦味，個醬怪怪地，只得甜味，難食！食完個蝦餅，等到天荒地老，原本想取消想走，個炒金邊粉終於來，成碟粉，只有兩隻蝦，少量豆腐，但大量冬菜，碟粉好濕，係一pat野，味道又係怪的，蝦亦未見得新鮮，一個字，差！因為唔想浪費，夾硬食完碟粉，炒通菜先嚟，個通菜完全唔掂，乾真真，仲超辣，冇其他味，只得辣，極難食！呢餐飯食到差不多九點，每一道菜食完先有下一道菜，上菜慢到無倫，只顧做外賣生意，叫酒飲先快D有得食，食物質素差，又難食，完全中伏！一定不會有下次！