榮式燒雞扒 (已搬遷) 新店位置

榮式雞扒，聽就聽得多，星期六晚上搵食，卒之一試。入店前店長先於店外幫你點好菜，以為入面坐滿人，原來得三成客，吉位頗多。雞扒湯檬: 檬粉普通，湯底普通，雞扒是好吃的，肉很軟，煎得香。不過份量少，只有一薄片。蓮藕餅湯烏冬:之前聽聞蓮藕餅好食，完全不是個回事，只係兩塊煎過的麵團，你吾講都吾知係蓮藕。仲有少少一早煎定放左陣的感覺。炸芝士蝦丸伏中之伏，店長會好熱情地向每位客人推薦十蚊三粒( 跟餐價，原價二十元) 所謂好正的芝士丸。首先，細粒到街邊魚蛋檔的魚蛋咁，吃了二粒，一粒完全空心，入面乜都冇; 第二粒入面有一滴芝士。 粒野係完全冇味，同埋應該係炸完放左陣。 真心伏。總結，好似自己係屋企是但煮個麵，冇乜調味同技巧，為求有野落肚。食完走個時 見到店長去隔離大排長龍的炸豬扒店隊中拉客。其實想生意好，先要食物質素好。最後，此店用即棄餐具，不甚環保。