御廚

營業中

休息中

本身呢個價錢都已經冇諗住佢好正，但求叫試吓，醫飽個肚。點知條隊長到不得了不特止，先講小棠菜，原來所謂酒店嘅大廚仲衰過阿媽個姐姐。啲小棠菜生嘅，冇味嘅，更加唔好講火候。嗰條好恐怖嘅魚，勁多魚鱗唔該，見到佢個樣已經唔想攞，不過阿媽話要試吓，佢都係食咗一啖。好想嗌救命，點解啲嘢食可以咁差。如果出世到而家未食過豬腸粉，可能覺得正常掛。因為又硬又冇味，都唔知食咗啲咩落肚，唯一好處係飽肚。翠玉瓜炒豬肉，終於有一碟似係我煮飯嘅水平（我係一個好普通嘅家庭主婦）呢碗主打嘅車仔麵，第一啖放落口即刻諗起周星馳出食神！蘿蔔淡而無味，失敗！魚蛋入面散嘅，失敗！豬皮，好似食腐皮咁嘅質感，失敗中嘅失敗！豬大腸，如果乾淨就可以放落口，咁都仲算係食物，因為仲好大浸味。失敗！極失敗！獅子狗卷，似喺街市過期十零蚊磅嗰啲。恐怖失敗！海帶結，食咗一啖都覺得自己好可憐，唔知為乜！