尚味

營業中

休息中

同屋企人食完飯搵啲傳統糖水食下，經過見到有就試下。先唔講野食，服務態度已經令人反白眼。同佢講唔該落單，個阿姐拎疊車仔麵紙比我地，我地話想點糖水，佢既反應係怪責我地唔早啲講，個阿姐既態度已經令我地覺得唔舒服。點左5個糖水，其中一個係海底椰雙皮奶，個雙皮奶係水既液體狀，而唔係正常凝固膏狀，我地問係咪比錯左，佢地話係咁，上面係奶下面係凝固果層，叫我”不”落去下面果層，好可惜成碗野完全都係水狀。之後話換過比我，仲拎左另一碗凍既比我睇，但成件事都唔係食開果種雙皮奶，最後叫佢cancel退番錢。啲野貨不對板都算，阿姐同個疑似老闆娘仲要繼續撐，話有自己做法唔跟出面做法，繼續比說話我地聽。我真係見識少，食左咁多年都未見過水一樣既雙皮奶。就當你自創既，但根本唔係果樣野，咪唔好叫果個名誤導人囉。總之哩間野一個字，伏! 想食左背脊骨落既即管試下。