饗和民 (東薈城) (已結業)

黎食野首先要記住圖片只供參考，唔好以為價錢反映到個質素。個飯一打開我以為我睇錯，問個staff呢，佢話俾左最靚嘅中間部位我，而且尾部都冇咁多可以分，所以係咁，睇黎我都要多謝佢。沙律由佢喇，得幾塊冇汁嘅葉，粟米好似有幾粒。個甜品先絕，我唔預係好食，係冇諗過係難食，真係拒絕吞落肚。粒野中間係硬架，唔知唔熟定點樣。奶茶個味道又係奇妙，成杯野好稀......另一個set都冇乜好講架喇，如果係$70可能呃到我覺得好食嘅。