俺流塩らーめん (V City) (已結業)

伏了伏了🚁🚁🚁 上星期走入屯門工作，真係好日唔入嚟，第一次行V City呢個場，最主要都係想搵個位安安落落泊低架車。突然拉麵癮起，中午飲完杯咖啡，便順勢走過對面打算食返碗拉麵，就是這樣跌入左伏圈😖先講下個湯，係完全唔Ok ，淡而冇味，我已經係點黑蒜湯，叉燒好肥，肥到要skip🥲咬下隻蛋丫，蛋黃係好熟，真係搞唔掂。試埋佢哋個撈麵，睇埋相已經似一兜人地食剩嘅冷飯菜汁😰唉，汁底同樣是冇乜味，食到我懷疑自己味覺😳睇下pat菜同埋堆竹筍，我已經懷疑人生。唯一比較可取係，麵條屬於比較彈牙嗰隻，除此之外，要賣相冇賣相，要味道冇味道，唉，唯有當好又一餐，唔好又一餐啦。價錢，我也不作評論了🫣大家自己睇吧。