Oggi (已結業)

嗰日放假行完山，去到天后嗰頭想搵嘢食。行行吓見到有一間好特別嘅餐廳，門面有種好清新嘅感覺。入到去感覺好舒服，有好似係郊外進餐嘅感覺。除咗套餐仲有全日早餐可以選擇。麵包外脆內軟，加上牛油更添風味。餐湯係薯蓉蒜頭湯，好特別嘅組合，蒜頭味唔太重，配合蒜蓉味道特別。金柚子沙律配橙油醋汁，沙律菜新鮮翠綠，橙油醋汁酸酸地非常開胃。香煎立魚配蕃茄銀魚柳汁，立魚煎得好香而且肉質嫩滑，蕃茄銀魚柳汁鹹鹹地與立魚非常配合。墨西哥式鮮蝦意粉配辣椒茄汁，鮮蝦爽口彈牙，辣椒茄汁非常野味。甜品係普洱奶凍，奶凍有微微嘅茶香，入口非常順滑，甜度剛剛好。餐廳價錢合理，服務態度一流。