The Lounge

營業中

休息中

星期六約埋兩個buddies 去high tea, 呢度環境唔錯，係市區酒店，餐廳內又靜靜地，啱晒姐妹傾計hea 一個下晝。三個人點了三份tea set, 職員話逢星期六大廚都會準備多3款咸點喎，今日就係和牛漢堡，阿拉斯加蟹卷同一份春卷(唔記左個名!）呢3款都堅好味!個tea set 架就有一層係咸點，一層甜點，印象最深既係個鵝肝，甘香唔油膩。最唔滿意既係其中一個柚子甜品，太甜，甜到有點難入口。飲品方便，我揀左個伯爵巧克力，可以配牛奶，但我唔飲奶茶既，就淨上，朱古力味微弱，沖多兩杯都已經變左伯爵茶啦！可以環境同心情影響，我一個人真係食晒全份，同行2位就各食剩2件。