九龍冰廳

營業中

休息中

呢間冰室裝修唔錯，用左懷舊冰室嘅設計，不過近年都多左好多以懷舊冰室風格設計，勝在有親切感，我都幾like😍😍呢個炸魚柳薯條都係茶餐廳下午茶嘅經典嘢，佢個炸魚都唔錯，應該係用深海魚柳，唔係用普通龍俐魚柳，啱晒我呢啲鐘意魚味濃嘅人，不過唔鐘意食魚嘅人會話好腥😅😅 而薯條就普普通通，無乜特別。再叫左個公司三文治，佢又唔算好貴，但幾足料嘅👍 試過食一啲茶記，煙肉餐肉都係凍嘅！但呢間嘅煙肉餐肉同個蛋都仲係熱辣辣，可能我鐘意食啲夠熱嘅嘢，所以仲係熱辣辣我都會滿意🤪呢兩個都係下午茶餐，價錢一般啦！味道都算唔錯，可以再黎試下😍