居廬 (已結業)

好日都唔黎土瓜灣，今次黎到呢間cafe試一試。我就叫左個玫瑰花普洱茶，好細心嘅係個茶下面有個火燒住，keep住個茶嘅溫度。飲落嘅時候淡淡嘅玫瑰花味，好好味。之後再黎左個煙三文魚意式薄餅，呢個薄餅一黎嘅時候有啲嚇親，因為佢唔係細細塊嘅煙三文魚，係一大塊架。而食落嘅時候餅底都好脆，三文魚亦都好新鮮！最後食左個芒果麻糬鬆餅，呢個甜品真係好大份，一個人絕對食唔哂。食嘅時候，甜味啱啱好，唔會話過份甜，中間嘅麻糬亦都好煙韌，好好食！呢間cafe環境都唔錯，好適合三五知己黎閒談下！