Papa (已搬遷) 新店位置

今日老婆去街, 我 lunch 梗係要去鋸個靚扒啦。係PAPA飲過幾次嘢, 地方幾光猛, 環境舒服, 吾逼, waiter/ waitress都好友善, 對呢度印象吾錯, 今日試下佢D食物先。今餐我下佢個西冷牛扒餐。首先上嘅係daily salad, 一般般啦, 同平時食開嘅差唔多。到主角西冷牛扒... 塊扒大塊但吾厚, 一人份量剛剛好。表面煎得乾身, 但唔會硬, 切開裏面非常 juicy, 配燒汁, 好味。 伴碟嘅炸薯角係新鮮炸起, 熱辣辣又夠脆卜卜, 絕對係誠意之作。最後上埋杯蘋果汁， 酸酸甜甜都OK好飲，又夠幫助消化。