心選 (已結業)

難得放假，同朋友同佢嘅小朋友想揾個地方就腳食飯，又唔想齋食飯悶親小朋友，所以就揀咗間喺旺角嘅樓上Cafe!門口都好有心思！餐廳內部佈置咗聖誕嘅裝飾～有種暖暖嘅感覺，比起街邊仲有聖誕氣氛！估唔餐牌竟然係手寫嘅，仲畫埋公仔好有心思！一坐低，小朋友最開心，因為有極大量Board game！多到眼花撩亂，小朋友玩到唔肯走呢！我點嘅卡邦尼長通粉有驚喜，都唔會太漏，加埋蛋黃味道不錯！朋友點嘅辣韓式炸雞長通粉都幾唔錯，炸雞唔會太粉，又唔會太硬，燒辣辣炸起好好味！再叫咗一個芝士西蘭花，小朋友最鍾意呢個😆，因為有芝士！我地再另外叫多杯嘢飲，我嘅奶昔個外貌好靚～飲落都唔會太甜！後尾多人老闆都冇嚟趕我地走，全程都坐得幾舒服，所以下次都值得再嚟！