茶木‧台式休閒餐廳 (PopCorn 1)

營業中

休息中

平日12點嚟到食飯，唔使排隊就入得兩個人都可以坐圓枱，而且望咗好耐menu都揀唔好，最後都係食返牛肉麵同肉燥飯(menu同第二度茶木一模一樣，只係揸唔定主意紅燒牛肉麵好樸實嘅味道，湯底濃郁，靚牛肉配上闊身嘅麵，紅白蘿蔔，蔥，酸菜同芫茜，簡單美味揭開面頭嘅翠綠，下面有足足四大件牛腱肉，肉質彈牙，亦炆得夠淋，入口香濃嘅紅燒牛肉味反而配菜嘅紅白蘿蔔炆得唔夠淋，咬落太結實，亦唔入味，扣了分朋友叫嘅台灣腸肉燥飯都好多配料，新鮮蒜片係亮點台灣腸薄切，味道好甜，啱哂鐘意食偏甜味嘅人總括黎講食得幾舒服，就算出面有人等位，都唔會有俾人趕嘅感覺，適合同朋友嚟休閒咁食個飯