木言斤 (已結業)

星期六等老公收工就出旺角行下，為佢既新電話添新衣，行到旺中附近見到有間雜貨店，好多精品，感覺好舒服，仲見到有個雪糕櫃，正常叫黎食既時候發現原來有樓上雅座。環境好舒服，位置都好闊落。加上輕鬆既音樂，心情都特別好。睇一睇個menu，原來呢到有沙律，puff set同ice dog，ice dog?凍狗？咩黎嫁？我諗唔通呀，媽！望真d原來係有咸同甜既凍狗，我就當然心思思又想食咸又想食甜，各叫一隻黎試試佢。 Jamon Dog $69凍狗外層同puff差唔多，好香脆又帶蛋香，加入面既蜜瓜，好香甜，配上帶咸香既黑毛豬，一向係絕配，但估唔到蜜糖芥末醬，令成隻凍狗更好味，味道更凸出。Mixed berries ice dog $69呢隻係一隻雪糕狗，入面有紅莓，黑莓，藍莓，雜莓乳酪雪糕仲有吉士，外貌好吸引，睇落好少女，不得了。食落唔會好甜，雜莓帶微酸，好開胃，雪糕有三球，由於佢係雜莓乳酪味，所以食落無咁甜同感覺輕盈d。坐得咁舒服，完全係一個休閒好地方。